Білім жаңалықтары
28.08.2025 | 49
Ақтөбе облысында 1 қыркүйекте 12 мектеп ашылады – бірінші вице-министр Ақтөбе облысында жұмыс сапарымен болды
Ақтөбе облысында 1 қыркүйекте 12 мектеп ашылады – бірінші вице-министр Ақтөбе облысында жұмыс сапарымен болды
Ақтөбе облысына жұмыс сапары барысында ҚР Оқу-ағарту бірінші вице-министрі Майра Мелдебекова өңір тұрғындарымен және педагогикалық қауымдастық өкілдерімен кездесті.
Кездесу барысында білім беру инфрақұрылымын дамыту, балалардың жан-жақты дамуына қолайлы жағдай жасау, сондай-ақ ауыл мектептерінде білім сапасын арттыру мәселелері талқыланды. Ақтөбе облысында жаңа оқу жылын 446 мектепте 190 мыңға жуық оқушы бастайды. Оның ішінде 12 мектеп биылғы 1 қыркүйекте қолданысқа беріледі деп жоспарланған.
Вице-министр 2025–2026 оқу жылында білім беру үдерісіне енгізілетін жаңа бастамалар туралы айтып өтті. Атап айтқанда, биылғы оқу жылынан бастап оқу үдерісіне жасанды интеллект элементтері енгізілмек. Бұл бағытта жасанды интеллектті білім беру жүйесінде қауіпсіз әрі жауапкершілікпен қолдануға мүмкіндік беретін этикалық стандарттар әзірленді.
«Біздің міндетіміз – әлемдік бәсекеге қабілетті, заманауи технологиялық дағдыларды меңгерген білімді ұрпақ тәрбиелеу. Жасанды интеллект негіздерін білім беру процесіне енгізу – уақыт талабы. Бүгінде елімізде «Келешек мектептері» ұлттық жобасы аясында салынған жаңа мектептердің жұмысын үйлестіру және әдістемелік басқару бойынша бірыңғай модель әзірленуде. Сондай-ақ педагогтердің кәсіби әлеуетін арттыруға бағытталған жүйелі шаралар қолға алынуда», – деді Майра Мелдебекова.
Вице-министр мұғалімдерді аттестаттаудың цифрлық «Ұстаз» платформасының толық іске қосылатынын, талантты педагогтердің дерекқоры жасақталатынын және білім беру жүйесіндегі өзгерістерді тиімді басқаруға қабілетті жаңа буын менеджерлер пулын қалыптастыру жұмыстары жүргізілетінін атап өтті.
Жұмыс сапары барысында Майра Мелдебекова азаматтарды жеке қабылдап, олардың өтініш-тілектерін тыңдады. Кездесу кезінде педагогтердің әлеуметтік жағдайын жақсарту, еңбек құқықтарын қорғау, техникалық және кәсіптік білім беруді дамыту, оқу орындарындағы тәрбие жұмыстары мен материалдық-техникалық базаны нығайту мәселелері көтерілді. Вице-министр әрбір сұрақ бойынша нақты жауап беріп, көтерілген мәселелерді шешу үшін тиісті құрылымдық бөлімшелерге тапсырма берілетінін жеткізді.
-
-
23.08.2025 | 56
Колледжге құжат қабылдау мерзімдері туралы