Русский English

Білім жаңалықтары

Жаңалықтар легі - елдегі білім саласының хабарлары

03.09.2025 | 155

Қазақстандық жасөспірімдер Еуропалық олимпиадада бақ сынауда

Қазақстандық жасөспірімдер Еуропалық олимпиадада бақ сынауда

2025 жылғы 29 тамыз бен 4 қыркүйек аралығында Болгарияның Шумен қаласында Информатикадан IX Еуропалық жасөспірімдер олимпиадасы (EJOI) өтуде.

EJOI – 15 жасқа дейінгі жасөспірімдер арасында бағдарламалау мен алгоритмдік есептерді шешу бойынша ұйымдастырылатын жыл сайынғы зияткерлік сайыс. Бұл беделді дода жас қатысушылар үшін Халықаралық информатика олимпиадасына (IOI) қатысудың маңызды іріктеу алаңы әрі кәсіби дайындық трамплині болып саналады.

Биылғы олимпиадаға 24 мемлекеттен келген оқушылар қатысуда. Қазақстан құрама командасы олимпиадалық резервтің үздік өкілдерінен құралған.

Команда құрамы:
* Әбілмансұр Құрмет – Атырау облысы, Білім-инновация лицейінің 9-сынып оқушысы;
* Нұрәлі Шаймерден – Көкшетау қаласы, Білім-инновация лицейінің 9-сынып оқушысы;
* Дінмұхаммед Мұғжан – Көкшетау қаласы, Білім-инновация лицейінің 9-сынып оқушысы;
* Саят Юсупов – Өскемен қаласы, Білім-инновация лицейінің 9-сынып оқушысы.

Жас олимпиадшыларға тәжірибелі жаттықтырушылар жетекшілік етуде:
* Әлімжан Аманов – PhD докторы, ҚБТУ профессор-ассистенті;
* Батыр Сардарбеков – республикалық және халықаралық олимпиадалар мен спорттық бағдарламалау чемпионаттарының жеңімпазы.

Анықтама үшін: Еуропалық жасөспірімдер олимпиадасы (EJOI) алғаш рет 2017 жылы Болгарияның София қаласында ұйымдастырылды. Былтыр Кишиневте (Молдова) өткен EJOI-2024 додасында Қазақстан құрама командасы төрт медаль иеленген болатын.

Қазақстандық жас дарындарға жаңа белестерді бағындыруда сәттілік тілейміз!

 

Жаңалықтар легі
Жаңалықтар легі

Остались вопросы? Напишите в службу поддержки