Білім жаңалықтары
15.04.2026 | 23
«Абайды оқитын мектеп» жобасы: кітап оқу оқушыларды жетістіктерге жетелейді
«Абайды оқитын мектеп» жобасы: кітап оқу оқушыларды жетістіктерге жетелейді
Қазақтың ұлы ақыны және ойшылы Абай Құнанбаевтың аты берілген Қостанай облысы Қарасу ауданының мектебінде ақынның бай мұрасы «Абайды оқитын мектеп» жобасының негізі болды.
Қазақ әдебиеті классигінің шығармаларын бірге оқу - тұлғалық өсуге, оқуда жетістікке жетуге және өмірлік құндылықтарды қалыптастыруға жасалған маңызды қадам.
Мектепте әдеби квиздер мен мәнерлеп оқу конкурстары, тақырыпқа сай сынып сағаттары мен акциялар өтеді. Терең философиялық ойларға құрылған «Қара сөздерге» ерекше назар аударылды және бірлесіп оқу мен талқылау жүргізілді.
Жобаның нәтижелілігі балалардың нақты жетістіктерінен көрінеді, олардың көбі облыс конкурстарының жүлдегерлері атанды.
Өткен жылғы қазақ тілі мен әдебиеттен республикалық олимпиадасының жүлдегері және «Тіл - тәуелсіздік тұғыры» конкурсының жеңімпазы атанған тоғызыншы сынып оқушысы Дарья Спиридонова: «Менің ойымша, Абай Құнанбайұлының қара сөздері - ең терең философиялық, тәрбие және адамгершілік мәні бар шығармаларының бірі, ұрпақтар даналығы бар. Абай шығармаларын оқу арқылы мектеп оқушыларының кітап оқуға, кітапқа деген қызығушылығын оятты».
Жоғары сынып оқушылары жобаның арқасында көбірек кітап оқи бастағандарын, шығармалардың мәнін тереңірек түсінетіндерін және өз болашағы туралы ойланатынын атап өтті.
Қазіргі заманда Абай Құнанбайұлының мұрасы өскелең ұрпақты тәрбиелеуде әлі де маңызды рөл атқарып келеді, әрбір оқушыға білім мен табысқа апарар өз жолын табуға көмектеседі.
-
-
13.04.2026 | 90
Педагогтерді аттестациялаудың жаңа моделін әзірлеу бойынша
-
13.04.2026 | 84
Білім беру ұйымдарында Балалар әдебиеті онкүндігі өтуде