Жаратылыстану-математикалық бағыттағы пәндер бойынша республикалық олимпиада қорытындыланды

Елімізде мектеп оқушылары арасындағы жаратылыстану-математикалық бағыттағы пәндер бойынша республикалық олимпиада өз мәресіне жетті. Оған еліміздің өңірлерінен 939 оқушы қатысты, деп хабарлайды ҚР Оқу-ағарту министрлігінің баспасөз қызметі.

Биылғы жылы оқушыларға арналған республикалық олимпиада 6 өңірде бір мезгілде өтті. Жас математиктер мен физиктер, химиктер Астана, Алматы және Павлодар қалаларында бақ сынасты. Барлық кезең қорытындысы бойынша 431 оқушы жүлдегер атанды, олар 211 қола, 131 күміс және 89 алтын жүлдені өзара бөлісті.

«Ең жас қатысушы» дипломымен Ақмола облысынан 8-сынып оқушысы Нұрәлі Шаймерден марапатталды.

«Мен осы олимпиадаға қатысқаныма өте қуаныштымын. Республикалық олимпиада – менің интеллектуалды дамуым үшін үлкен мүмкіндік. Мен мұнда білімімді толықтырып қана қоймай, жаңа достар таптым», - дейді өз әсерімен бөліскен Нұрәлі Шаймерден.

Ал «Ең үздік ауыл оқушысы» номинациясы бойынша Павлодар облысынан Максим Комаров пен Жетісу облысынан Владислав Иванов дипломдарға ие болды.

«Үздік олимпиадалық команда» номинациясы келесідей бөлініске түсті: III орын - Шығыс Қазақстан, Қызылорда және Жамбыл облыстары; II орын - Астана және Алматы қалалары; I орын – Павлодар облысы және РФММ құрама командасы. Бас жүлдені Назарбаев Зияткерлік мектебінің командасы жеңіп алды.

Сонымен қатар 46 жеңімпазға KBTU, Қ.Сәтбаев атындағы Қазақ ұлттық зерттеу техникалық университеті, Astana IT University, Қ.Жұбанов атындағы Ақтөбе өңірлік университеті, Х.Досмұхамедов атындағы Атырау университеті секілді ЖОО-на ректорлық грант тағайындалды.

«Олимп шыңына жетелеуші» номинациясы бойынша педагог-тәлімгерлер мен олимпиадалық командалардың жаттықтырушылары марапатталды.

Жаңалықтар легі

Білім жаңалықтары

Жаратылыстану-математикалық бағыттағы пәндер бойынша республикалық олимпиада қорытындыланды

Қазақстандық колледж студенті халықаралық байқаудың қола жүлдегері атанды

Мемлекет басшысы Қасым-Жомарт Кемелұлы Тоқаевтың төрағалығымен Digital Qazaqstan жобасы аясында кеңес өтті

ҚР Оқу-ағарту министрі Жұлдыз Сүлейменова жаңа Конституцияны қабылдау жөніндегі референдумда өз таңдауын жасады

Қазақстанның мектеп инфрақұрылымы бес жылда қалай өзгерді: сандар мен нәтижелер

Қазақстан оқушылары үшін халықаралық олимпиадалар мен ғылыми конкурстардағы рекордтық жыл

Еліміздің барлық білім беру ұйымдарында Наурызнама онкүндігі басталды

«Келешек мектептері» ұлттық жобасы: үш жылда 217 жаңа мектеп

Абай ұлттық мектебі оқушылар қабылдауды бастады

ҚР Оқу-ағарту министрі Жұлдыз Сүлейменова Назарбаев Университетінде білім беруді трансформациялаудың стратегиялық басымдықтарын таныстырды

Қазақстандық оқушылар көктемгі каникулда 11 күн демалады

«Қазақстан балалары» тұжырымдамасы аясында елімізде қандай шаралар жүзеге асырылады?

Колледж студенттері тәжірибеден өтіп, өз өндірісін ашты