Білім жаңалықтары
Жаңалықтар легі - елдегі білім саласының хабарлары
17.04.2025 | 497
Оқу-ағарту министрі Ғани Бейсембаев педагог-шеберлермен кездесті
Оқу-ағарту министрі Ғани Бейсембаев педагог-шеберлермен кездесті
Елімізде педагог-шебер санатында 4 мыңға жуық мұғалім еңбек етуде. Бұл – педагогикалық қызметтегі жоғары біліктілік санаты.
Ғани Бейсембаев педагог-шеберлер білім реформаларын жүзеге асыруда негізгі рөлге ие екендігін атап өтті. Олар – білім беру жүйесінің жаңашыл көшбасшылары.
«Біздің бүгінгі міндетіміз – мұғалімнің мәртебесін нығайтып қана қоймай, педагог-шеберлердің білімі мен тәлімгерлігі еліміздің барлық педагогтері үшін ресурсқа айналатындай жағдай жасау», – деп атап өтті министр.
Сондай-ақ жиында педагог-шеберлер өз тәжірибелерімен бөлісті. Алматылық ұстаз Гүлмира Асанбекова авторлық жобасы аясында 855 жас мұғалімге тәлімгерлік көрсеткен, маңғыстаулық Ержан Жұмаділов 10-11 сынып оқушыларына тегін онлайн курстар жүргізіп келеді, ал қарағандылық Нұрсұлтан Ахметов – жасанды интеллектті оқу үдерісіне табысты енгізген жаңашыл педагог.
Кездесу соңында министр жауапты құрылым басшыларына шебер-педагогтердің үздік тәжірибелерін республика көлемінде педагогтер арасында тарату жұмыстарын жүргізуді тапсырды.
-
-
05.01.2026 | 60
Алматыда Роботтар фестивалі басталды
-
30.12.2025 | 198
Қазақстандық колледж халықаралық аккредиттеуден өтті
-
29.12.2025 | 162
Оқу-ағарту министрі азаматтардың арыз-шағымдарын тыңдады
-
26.12.2025 | 192
2025 жылы республикалық кадр резервіне 403 жаңа басқарушы енді