Білім жаңалықтары
22.04.2025 | 96
ЖОО-ға білім гранттары мен жұмысқа орналасуға жолдамалар – «Еңбек кубогы – 2025» республикалық спартакиадасы өз мәресіне жетті
ЖОО-ға білім гранттары мен жұмысқа орналасуға жолдамалар – «Еңбек кубогы – 2025» республикалық спартакиадасы өз мәресіне жетті
Жұмысшы мамандықтары жылы аясында 14–20 сәуір күндері Түркістан қаласында колледж студенттері арасында өткен республикалық «Еңбек кубогы – 2025» спартакиадасы өз мәресіне жетті, деп хабарлайды ҚР Оқу-ағарту министрлігінің баспасөз қызметі.
Жалпы командалық есеп бойынша:
• І орынға – Алматы қаласының командасы;
• ІІ орынға – Қарағанды облысының командасы;
• ІІІ орынға – Маңғыстау облысының командасы ие болды.
Естеріңізге сала кетейік, спартакиада аясында студенттер баскетбол, волейбол, футзал, шағын футбол, тоғызқұмалақ, шахмат және үстел теннисі сияқты спорт түрлері бойынша бақ сынасты.
Жеңімпаздар Оқу-ағарту министрлігінің дипломдарымен және кубокпен марапатталды. Үздік ойын көрсеткен студенттерге Қожа Ахмет Ясауи атындағы Халықаралық қазақ-түрік университеті мен Халықаралық туризм және меймандостық университетіне білім гранттарына сертификаттар табыстады. Сонымен қатар өңірдегі жетекші кәсіпорындар мен шаруа қожалықтары жұмысқа қабылдау туралы жолдамалар ұсынды.
Келесі «Еңбек кубогы – 2026» спартакиадасы Алматы қаласында өтеді. Іс-шара Қазақстан Республикасы Оқу-ағарту министрлігі мен облыс әкімдігінің бірлескен ұйымдастыруымен өткізілді.
-
-
25.04.2025 | 64
Жайлы мектептердің жартысына жуығы ауылдарда салынуда
-
23.04.2025 | 109
КҮН САНЫ