Білім жаңалықтары
18.09.2023 | 99
«БАЛА ТӘРБИЕСІ – БҮКІЛ ҚОҒАМНЫҢ МІНДЕТІ»: ҒАНИ БЕЙСЕМБАЕВ МЕМЛЕКЕТТІК ОРГАН ӨКІЛДЕРІМЕН КЕЗДЕСТІ
«БАЛА ТӘРБИЕСІ – БҮКІЛ ҚОҒАМНЫҢ МІНДЕТІ»: ҒАНИ БЕЙСЕМБАЕВ МЕМЛЕКЕТТІК ОРГАН ӨКІЛДЕРІМЕН КЕЗДЕСТІ
Елордада ҚР Оқу-ағарту министрлігінің ұйымдастыруымен «Біртұтас тәрбие бағдарламасы: құндылықтар мен оларды іске асыру» тақырыбында республикалық семинар-кеңесі өтті. Оған жергілікті атқарушы органдардың және орталық мемлекеттік органдары аумақтық бөлімшелерінің 200-ден астам өкілі қатысты. Бағдарламаға сәйкес мектеп оқушыларын тәрбиелеуде мұғалімдер мен уәкілетті органдардың бірыңғай тәсілін қарастыру жоспарланды.
Жиынға қатысушылардың алдында сөз сөйлеген Оқу-ағарту министрі Ғани Бейсембаев өскелең ұрпақты тәрбиелеуде біртұтас жұмысты ұйымдастырудың маңыздылығын атап өтті.
«Бала тәрбиесі – бүкіл қоғамның міндеті. Барлығымыз біріге отырып, оқу-тәрбие процесін тиімді ұйымдастыруымыз қажет. Балалардың бойына адами құндылықтарды сіңіріп, мүдделі тараптардың ауызбіршілігін арттыруымыз керек. Бірыңғай білім беру бағдарламасы осы мақсаттарға жетудің тиімді құралдарының біріне айналады», – деді Ғани Бейсембаев.
Айта кетейік, «Біртұтас тәрбие бағдарламасы» бойынша мемлекеттік қызметшілерге арналған семинар шеңберінде Алтынсарин академиясының психология, тәрбие беру және тұлғаны дамыту орталығының қызметкерлері іс-шараның тәжірибелік бөлігін жүргізді.
Тапсырмалар жағдайды талдауға арналды және профилактикалық бөлімге қарай бағытталды. Семинарға қатысушылар тәрбие беру үдерісіне әсер ететін әлеуметтік, экономикалық және педагогикалық факторларды анықтады. Сондай-ақ қамтылған жағдайлардың әрқайсысы бойынша өз ұсыныстары мен тілектерін ортаға салды.
-
-
29.09.2023 | 76
БІРТҰТАС БІЛІМ БЕРУ БАҒДАРЛАМАСЫ ӘЗІРЛЕНДІ
-
28.09.2023 | 112
«ҮЗДІК ПЕДАГОГ» РЕСПУБЛИКАЛЫҚ БАЙҚАУЫНЫҢ ЕКІНШІ КЕЗЕҢІ ӨТУДЕ
-
28.09.2023 | 77
КҮН САНЫ
-
28.09.2023 | 58
"БАРШАҒА ҚОЛЖЕТІМДІ САПАЛЫ БІЛІМ" Ұлттық баяндама жобасы
-
26.09.2023 | 96
КҮН САНЫ