Білім жаңалықтары
22.10.2024 | 543
Ақмола облысында тағы екі жайлы мектеп ашылды
Ақмола облысында тағы екі жайлы мектеп ашылды
Мемлекет басшысының тапсырмасына сәйкес, елімізде «Жайлы мектеп» ұлттық жобасы белсенді жүзеге асырылуда. Ұлттық жоба аясында Ақмола облысының Қабанбай батыр және Қаражар ауылдарында тағы екі білім беру ұйымы ашылды.
Мектептер бір ауысымда оқитын 1200 оқушыға арналған. Мұнда жаңартылған кабинеттер, 2 спорт залы, STEM-зертхана, асхана, кітапхана және хореография залы қарастырылған.
«Жайлы мектеп» ұлттық жобасының маңыздылығы – білім беру сапасын арттыру және қала мен ауыл мектептері арасындағы алшақтықты жою. Жобада білім беру ортасының функционалдығы мен қауіпсіздігіне ерекше назар аударылады: • бастауыш және жоғары сынып оқушылары үшін бөлек блоктар қарастырылған; • заманауи техникалық шешімдерді енгізу арқылы қауіпсіздік шаралары күшейтілген; • ерекше білім беру қажеттіліктері бар балалар үшін кедергісіз орта құрылған; • заманауи пән кабинеттерімен қамтамасыз етілген. Биылғы оқу жылының басынан бері елімізде 74,8 мың оқушыға арналған 27 жайлы мектеп ашылды, оның алтауы Ақмола облысында орналасқан.
Айта кетейік, 2025 жылдың соңына дейін «Жайлы мектеп» ұлттық жобасы аясында 217 заманауи мектепті пайдалануға беру жоспарланып отыр.
-
-
02.07.2025 | 186
ҚР Оқу-ағарту бірінші вице-министрі азаматтарды жеке қабылдады
-
02.07.2025 | 190
Жазғы кезеңде 11 мыңнан астам педагог біліктілігін арттырады