7–13 мамыр аралығында Ташкент қаласында математика және информатика пәндерінен III Халықаралық Әл-Хорезми олимпиадасы өтті. Шығыс Қазақстан облысынан «Білім-инновация» мектеп-лицейінің 9-сынып оқушысы Алдияр Амангелді алтын медаль жеңіп алып, тоғыз елден келген 200-ден астам дарынды оқушылар арасынан ең үздік қатысушы атанды.
Біздің елдің құрамасы 100% нәтижеге қол жеткізді – алты қатысушының барлығы жүлдемен оралды:
Алдияр Амангелді – Өскемен қаласынан «Білім-инновация» лицейінің 9-сынып оқушысы;
Әли Мендеке – Семей қаласынан «Білім-инновация» лицейінің 9-сынып оқушысы;
Мейірбек Мұрат – Орал қаласынан НЗМ-нің 9-сынып оқушысы;
Медеу Жұбатыров – Ақтау қаласынан «Білім-инновация» лицейінің 8-сынып оқушысы;
Айдайбек Абдурахман – Тараз қаласынан «Білім-инновация» лицейінің 9-сынып оқушысы;
Нұрислам Дүйсенғали – Алматы қаласынан РФММ-нің 9-сынып оқушысы.
Команданың жаттықтырушылары — Ибрагим Ибатулин мен Жамбыл Максотов.
Әл-Хорезми олимпиадасы Орталық Азия жастарының зияткерлік әлеуетін дамытуға және нақты ғылымдарды насихаттауға бағытталған. Өткен жылы біздің оқушылар 4 медаль жеңіп алған болатын.
Білім жаңалықтары
Жаңалықтар легі - елдегі білім саласының хабарлары
13.05.2025 | 33
Қазақстандық оқушы Орта Азия бойынша информатикадан үздік деп танылды
Қазақстандық оқушы Орта Азия бойынша информатикадан үздік деп танылды
-
13.05.2025 | 54
Қазақстандық жас химиктер Менделеев олимпиадасында топ жарды